AMSHA AMSHA YA SERENGETI FIESTA 2012 NDANI YA TANGA YAWAFUMBUA MACHO WAKAZI WA HUKU‏

Watangazaji wa Clouds Fm Adam Mchomvu na Loveness Love a.k.a Diva Mimi wakirusha matangazo 'Live' ndani ya jiji la Tanga oyeeeeeeeeeeeeeeeeee! Fiesta ndiyo hiyo imeanza kubamba na itafanyika tarehe 26.8.2012 uwanja wa Mkwakwani kwa kiingilio cha shilingi elfu tani tu (5,000).
Watangazaji wa Clouds Fm Adam Mchomvu akiwa na msanii wa Tanga mwanadafada Michu wa michujo.
Mkuu wa Vipindi…
Watangazaji wa Clouds Fm Adam Mchomvu na Loveness Love a.k.a Diva Mimi wakirusha matangazo 'Live' ndani ya jiji la Tanga oyeeeeeeeeeeeeeeeeee! Fiesta ndiyo hiyo imeanza kubamba na itafanyika tarehe 26.8.2012 uwanja wa Mkwakwani kwa kiingilio cha shilingi elfu tani tu (5,000).
Watangazaji wa Clouds Fm Adam Mchomvu akiwa na msanii wa Tanga mwanadafada Michu wa michujo.
Mkuu wa Vipindi wa Clouds Fm Sebastian Maganga akiweka mambo sawa.
Chini ya udhamini wa Gapco ndani Serengeti Fiesta 2012, mtangazaji wa Clouds Fm Adam Mchomvu akifanya mahojiano na dereva Juma ambaye amewezesha safari ya Dar kwenda Tanga, pembeni ni Harun akichukua matukio 'live' Clouds TV.
Mistari ikishuka.
Mwanadada Loveness Love akiwa na Sudi Brown.
Wakazi wa Tanga wakiwa wamejitokeza kwa wingi.
Kikosi kizima cha Clouds Fm upande wa Mitambo Jackson na Daudi wakiwa na mkuu wa vipindi wa Clouds Fm Sebastian Maganga wakisababisha live ndani ya Tanga.

Read More

YALIOJIRI KWENYE SHANGWE ZA FIESTA MOSHI

CMB Prezzo doin his thing kwa stage ya Fista Moshi

Nidanganye danganye danganye tuuuuu

Bongo  movies ndani ya nyumba

Baadhi yao tu

Mungu niongezeeeee amen, amen amen 

Ray na Steve Nyerere

Queens wa Movies, Wema na Aunt Ezekiel

Recho

Dj zero

Read More

Hukumu Igunga Yaivuruga CCM

WAKATI Chama Cha Mapinduzi (CCM), kikitangaza kusudio lake la kukata rufaa dhidi ya hukumu ya Mahakama Kuu Kanda ya Tabora, iliyotengua ubunge wa aliyekuwa Mbunge wa Igunga, Dk. Dalali Kafumu, wadau mbalimbali wameipongeza hukumu hiyo wakiita ni darasa tosha kwa demokrasia ya mfumo wa vyama vingi.

Miongoni mwa waliosifu hukumu hiyo ni pamoja na Spika mstaafu, ambaye pia ni Waziri wa Jumuiya ya Afrika Mashariki, Samuel Sitta, akisema kuwa maamuzi hayo inafaa yaheshimiwe.

Akizungumza jana mjini Tabora, Sitta alisema kuwa mahakama ina mamlaka yake kisheria, hivyo wana CCM hawana budi kuyaheshimu maamuzi hayo kwani imefanya kazi yake inavyotakiwa.

“Kama kuna mtu anaona hukumu hiyo haikutenda haki, anaweza kwenda mahakamani kukata rufaa, lakini mimi nashauri ni vema tujipange upya tuingie ulingoni.

“Hapa mimi sina maoni juu ya jambo hilo, bali cha msingi ni vema tukakaa na kutafakari yaliyotokea huko Igunga, ili basi tukiona inafaa kukata rufaa sawa, na kama tuingie ulingoni, yote ni sawa,” alisisitiza Sitta.

Katika hukumu yake juzi, Jaji Mary Nsimbo Shangali, aliyekuwa akisikiliza kesi hiyo, iliyofunguliwa na aliyekuwa mgombea ubunge wa CHADEMA, Joseph Kashindye, alisema kuwa alipokea malalamiko 15 ambayo yaliridhiwa na pande zote mbili, lakini yakaongezwa madai mengine mawili na kufikia 17.

Mbali na Dk. Kafumu, washitakiwa wengine ni Mwanasheria Mkuu wa Serikali pamoja na Msimamizi wa uchaguzi jimboni humo, Protace Magayane na kwamba mahakama hiyo ilithibitisha madai saba ya kutengua matokeo hayo.

Hata hivyo, wakati Sitta akiwa na mtazamo huo, CCM kupitia kwa Katibu wake wa Halmashauri Kuu (NEC) Taifa, Itikadi na Uenezi, Nape Nnauye, ilieleza kutoridhishwa na hukumu hiyo, hivyo kuamua kukata rufaa.

Pamoja na CCM kuchukua hatua hiyo, wadau mbalimbali wa masuala ya kisiasa na wanaharakati waliliambia Tanzania Daima kuwa, hukumu hiyo ni darasa tosha la demokrasia linaloonesha jinsi sheria za uchaguzi zinavyovunjwa.

Mhadhiri wa Chuo Kikuu cha Dar es Salaam (UDSM), Bashir Ali, alisema hukumu hizo za uchaguzi ikiwamo hiyo ya Igunga, zina maana sana kwa Tume ya Taifa ya Uchaguzi, Msajili wa Vyama vya Siasa, wanasiasa na wananchi.

“Tatizo letu huwa hatusomi hukumu hizi kwa undani, kwani tungekwishajua kuwa ni darasa tosha la demokrasia. Suala la takrima lilikuwa halieleweki kama ni rushwa, ushindani wetu wa kisiasa si wa kuvumiliana, una matumizi makubwa ya fedha, mali za serikali na madaraka kwenye kampeni,” alisema.

Ali alifafanua kuwa hukumu hiyo imetoa mwanga kuwa, kama hakuna chombo huru cha kusimamia sheria zinazokiukwa ni sawa na bure, akitolea mfano Tume ya Taifa ya Uchaguzi na Ofisi ya Msajili wa Vyama vya Siasa kuwa licha ya kuwapo wakati wa mchakato huo, vilishindwa kuchukua hatua.

“Kuna mjadala kuhusu uwepo wa sheria ya Tume ya Uchaguzi, maana tangu kuanza kwa mfumo wa vyama vingi hakuna sheria ya Tume ya Uchaguzi, badala yake chombo hiki kinatambuliwa na sheria za uchaguzi, jambo linalotoa mwanya kwa mapungufu yanayojitokeza sasa,” alisema.

Kuhusu uwajibikaji wa Ofisi ya Msajili wa Vyama vya Siasa wakati wa uchaguzi huo mdogo, Ali alisema kuwa mpaka sasa umuhimu wa ofisi hiyo hauonekani maana kama hoja ni kusajili vyama, kazi hiyo inaweza kufanywa hata mahakamani.

Alibainisha kuwa, kwa sasa ofisi ya msajili na Tume ya Uchaguzi ni kama idara tu ndani ya Ofisi ya Waziri Mkuu, hivyo wananchi wanapaswa kutumia hukumu ya Igunga kama tathmini wakati huu wa mchakato wa katiba mpya kusahihisha makosa ya kuvifanya vyombo hivyo huru.

Naye Naibu Katibu Mkuu wa Chama cha Wananchi (CUF) Bara, Mtatiro Julius, alisema hukumu hiyo itawafungua wananchi kuona umuhimu wa kubadilisha mfumo wa uchaguzi ili kuepusha taifa kuingia gharama zisizokuwa za lazima pale kiongozi anapokufa ama kuenguliwa.

“Hii naiona kama hatufikirii sawa sawa, maana matumizi ya mabilioni ya fedha kwenye uchaguzi yalikuwa kwa vyama vyote kule Igunga hasa CCM, CHADEMA na CUF. Lakini hili linaweza kuepukwa mana kama upuuzi unafanywa na watu wawili, hatuna sababu ya kulisababishia taifa hasara,” alisema.

Kwa mujibu wa Mtatiro, inapotokea hali kama hiyo ya mbunge kuenguliwa au kupoteza maisha, mshindi wa pili kutoka chama kingine ndiye achukue nafasi badala ya kurudia uchaguzi.

“Igunga tuliona Dk. Kafumu walipishana kidogo na Kashindye wa CHADEMA, hivyo kwa vile huyu alikiuka taratibu, basi mshindi wa pili apewe nafasi kuliko kurudia uchaguzi, kwani kufanya hivyo kunaweza kukipa chama kilichoenguliwa ushindi tena wa mtu asiyefaa,” alisema Mtatiro.

Mwanasiasa huyo pia hakusita kuinyoshea kidole Ofisi ya Msajili wa Vyama vya Siasa, akisema kuwa, John Tendwa (msajili) ameonesha wazi ni wakala wa CCM anayefanya mbinu za kukisaidia chama hicho kishinde badala ya kusimamia kanuni na sheria.

Mtatiro aliweka bayana kuwa makosa yaliyoainishwa kwenye hukumu iliyomtia hatiani Dk. Kafumu na kumnyang’anya ubunge wake, yalilalamikiwa mapema na wapinzani kwa Msajili wa Vyama wakati wa kampeni, lakini hakuchukua hatua yoyote.

“Msajili wa vyama hana meno, na huyu amekuwa na kashfa ya kusajili hata vyama visivyo na sifa ilimradi tu aweze kuvidhoofisha vyama makini vya upinzani. Hata kwenye uchaguzi ameonesha wazi anataka CCM ishinde,” alisema.

Mtatiro aliongeza kuwa, umefika wakati nafasi hizo nyeti za vyombo kama Tume ya Uchaguzi, Msajili na nyinginezo zitangazwe ili watu wenye taaluma zao washindanishwe na kuchujwa na chombo maalumu badala ya kuteuliwa na rais.

Naye Mkurugenzi wa Chama cha Waandishi wa Habari Wanawake (Tamwa), Ananilea Nkya, alizungumzia hukumu hiyo ya Igunga akisema imetoa tafsiri mpya kwa wananchi kuelewa demokrasia ya vyama vingi na namna ya kumpata mwakilishi makini bila rushwa na vitisho.

“Hili litakuwa fundisho kwa wanasiasa wanaochezea fedha nyingi kwenye uchaguzi kununua watu, maana watatambua sasa kuwa kufanya hivyo kutawapotezea viti vyao. Lakini na wagombea wanapaswa kuwa makini na wapiga debe na vyama vyao, kwani wanaweza kuingizwa mtegoni kama alivyoponzwa Dk. Kafumu,” alisema.

Akisoma hoja zilizothibitishwa na mahakama hiyo juzi, Jaji Shangali alisema ni pamoja na Waziri wa Ujenzi, John Magufuli, kutumia nafasi yake ya uwaziri kutoa ahadi ya ujenzi wa daraja la Mbutu ambalo lilikuwa ni moja ya kero kubwa kwa wananchi wa Igunga.Waziri Magufuli akiwa katika uchaguzi mdogo huo katika moja ya kampeni, alitumia nafasi ya uwaziri kuwatisha wapiga kura wa jimbo hilo kuwa kama hawatamchagua mgombea wa CCM watawekwa ndani.

Jaji Shangali pia alisema kuwa Mbunge wa Tabora Mjini, Aden Rage, alipita mitaani akitangazia wananchi kuwa mgombea wa CHADEMA amejitoa.

Katika hoja nyingine ni kwamba Imamu Swalekh Mohamed wa Mskiti wa Ijumaa Igunga, aliwatangazia waumini wa Kiislamu kuwa wasiichague CHADEMA kwa kuwa baadhi ya viongozi wake walimdhalilisha Mkuu wa Wilaya ya Igunga, Fatuma Kimario.

Nayo matamshi ya Katibu Mkuu wa CCM, Wilson Mukama, kudai kuwa CHADEMA imeleta makomandoo kuuvuruga uchaguzi huo ni mojawapo ya hoja ambazo mahakama hiyo ilizikubali.

Katika hoja kuu ya mahindi, Jaji Shangali alihoji kama wananchi wa Igunga walikuwa na njaa sana. Na kwamba, kama jibu ni ndiyo, ni kwanini uchaguzi usifanyike wakati hawana njaa.

Chanzo: http://wotepamo

Read More

AMSHA AMSHA YA TAMASHA LA FIESTA 2012 YAANZA KWA KISHINDO NDANI YA TANGA

Mkuu wa Vipindi wa Clouds Fm Sebastian Maganga (wa kwanza kulia) akitoa maelekezo kwa watangazaji wa redio hiyo Lovenes Love na Adam Mchomvu wakati walikuwa wakiongea na wasikilizaji wa redio ndani ya Tanga katika amsha amsha ya Tamsaha la Fiesta 2012 linalotegemea kufanyika tarehe 26.8.2012 Uwanja wa Mkwakwani. Tamasha hilo litakalopambwa na msanii maarufu wa kimataifa kutoka nchini Kenya Prezzoo.

Mtangazaji wa Clouds Fm Adam Mchomvu akionyesha t-shirt ambazo zimetoka kwa ajili ya kusherekea tamasha hilo la Fiesta 2012.

Mwanadada Loveness Love akisababisha ndani ya amsha amsha ya tamasha la Fiesta linalofanyika wikend hii ndani ya Tanga.

Mkuu wa Vipindi wa Clouds Fm Sebastian Maganga akiendeleza harakati za kukamata matukio ndani ya kitaa cha Chumbageni, pale Clouds Fm ilipotembelea vijana hao wa maskani na kupata mawili mawili matatu kuhusiana na tamasha hilo.

Mazungumzo ya haopa na pale yakiendelea.

...vijana wakimsikiliza Mkuu wa Vipindi wa Clouds Fm Sebastian Maganga, pembeni yake ni Adamu Mchomvu.

Vijana walipata mzuka wa kufunguka na kuonyesha vipaji vyao.

...Mzuka ulipata na kuanza kuchana.

Mmoja ya maproducer wakali wa msanii Moraka akiongea machache mara baada ya kukutwa akiwa amekaa na vijana wenzake ndani ya maskani ya Chumbagenino.

Moja ya staili niliyokutana nayo.

Picha ya Kumbu kumbu kwa vijana wa Chumbagenino.

Mara baada ya Clouds Fm kutoka Kitaa cha Chumbageni maskani ya Chumbagenino Clouds Fm ilihamia kitaa kingine ambapo alijitokeza kijana mmoja na kuomba awe mtangazaji hapa alikuwa alimfanyia mahojiano Mwanadada Loveness Love.

Aha... Sudi Brown (kushoto) akiwa na Mchomvu.

Ukumbusho Muhiumu sana.

Aha...mambo yalinogeshwa na kuwekwa sawa. Unaweza kufuatilia kinachoendelea katika amsha amsha za tamsaha la Fiesta 2012 kupitia yushathehood.blogspot.com

Read More

BI KIDUDE TAABAN KITANDANI

Taarifa toka Zanzibar zinadai kuwa Legendy wetu 'Bi.Kidude' anaumwa sana na hana msaada wowote.
Inadaiwa kuwa mjukuu wake alizungumza na Television ya Zanzibar na kulalamika kuwa Bibi yake hana msaada na hivyo anamuuguza kwa shida. Taarifa zaidi zinasema Bibi anaumwa tangu wiki iliyopita, hamna mdau hata mmoja wa muziki aliyejitokeza kumsaidia hivyo anatoa wito kwa wadau wenye uwezo wajitokeze kumsaidia Bibi ili apate matibabu na kurejea kwenye hali ya kawaida.
MUNGU AWE NAWE OUR LEGENDARY

Read More

Wasanii wa Arusha wamwandikia barua marehemu Vivian

Mpendwa Vivi,

Ni miaka saba sasa tangu uondoke na tunakukumbuka sana michano yako na mambo mengine mengi....(jalini ubinadamu msifanye mavitu kama sanamu.....). Natumai umeonana na Faza Nelly,DOG Nacko.Papaa,Mlost na Pacha Izzy na wengine wengi waliokuja huko.

Dhumuni la barua hii ni kukusalimu na kukujulisha yanayoendelea Arusha. Mengi yametokea ila ya Muhimu kukufahamisha kuhusu harakati za Muziki hapa Arusha.

Imagine eti siku hizi Metropole,Ricks,Mawingu na Crystal club hazipo tena.Machizi wengi wamehamia Dar es salaam(just like you...) ila wao wamebadilisha hadi majina wanakuja Arusha kufanya show na kusepaz. Machalii wapya kibao kwenye Game na wanakalisha usipime wengine wako mbele na wanafanya harakati zilezile Kzz wa X plastaz hajarudi bado tangu aende na anatoa Mixtape moja kali sana hivi karibuni,Chindo pia anawakilisha akiwa huko si unajua tena Jamaa alivyo mbishi.

Jcb na Spark bado ni hardcore(...wana makid asee).maprodyuza wengi wapya na Studio nyingi.WATENGWA kuna Daz Naledge,DX amekuja na Noizmeka,hata Ngalimi siku izi kuna Studio asee KZ kaja na KAZAWAZA.Grandmaster siku izi wanapiga mpaka VIDEO bana.zipo mingi siwez hata kuzitaja zote.

Harakati zote zile za rap sasa hivi zimeamia Kijenge ya Juu(S.U.A Free-Stage).

Watu kibao wanakutana na kupiga freestyle,michano na magrafiit kibao.Si unakumbuka vile ulikua ukikasirika kuona hakuna mademu kwenye HIPHOP concert na ukawa unaamua kuonyesha uwezo wako dah! ulikua unakalisha asee(.....sa nani wakuongoza safari wote tunaujua usukani.......siwaelewi! )

Juzi si kuna madem wakaibuka SUA bana asee tulikukumbuka sana laiti ungekuwepo ungefarijika kinyama.

Kuna redio stesheni mingi niaje! karibu kila mtaa na maclub za kutosha huko town usiku kama tu mchana. ... kuna masista Dread wengi peace kama wewe.... inapendeza.

Arif mambo kibao yamebadilika... kutoka TAPE na disc man siku izi kuna mavitu yanaitwa I-pod,I phone na ma-I pad kitu touch screen maamaaa si unajua Swagga tena...(sorry i know you now know about Apples kama sio matunda tena nikikuambia mambo ya Blackberry si ndo utadata kabisa...hahahahaha!!)

I will tell you about it next time sahivi naenda misele so kama vipi mpe hi Complex(Mwambie alivyosepa tu BTOWN CLAN wakaNYAMAZA ooh SH**T MIKOSI WAMENYAMAZA.....),James Dandu,Drob,Steve2k,produza Roy na wengine mlioko nao huko.

Jumapili tarehe 26 SUA itakua ni spesho kwako na Complex wa2 watapiga mistari yenu..oooyyyy! .Nitakujulisha zaidi next time.

Wako Wapendwa

Katika HIP HOP

###teamSUA###

Read More

HALI KAMA HII TANZANIA NA AFRIKA KWA UJUMLA ITAISHA LINI?

AFRIKA ni bara linaloongoza kwa kuwa na sura za umaskini hasa ule unaowafanya binadamu kukosa kile alichokiita Abraham Maslow haki za msingi yaani chakula, malazi na mavazi. Nimepita hapa na kukuta taarifa na picha hii ambayo kwangu haijanifurahisha.

Haki chakula ni jambo ambalo nimekuwa nikilizungumza sana na ninatamai siku moja kila mwananchi kwa kuanza na Tanzania apate haki hii ya msingi. Kama tukikubali kurejesha sera za vitendo katika kilimo bila shaka tutamudu kuwezesha watu wetu kupata chakula wakati wote.

tunafahamu kuwa wakishapata chakula kiasi cha kushiba ni jukumu la pili kusisitiza juu ya chakula bora. Wimbo wa chakula bora hauwezi sasa kuimbwa ana serikali yetu kwa kuwa hata haki ya chakula tu kwa wananchi bado ni kitendawili. Kuna waziri wa Kilimo nchini anaitwa Wassira, ni maarufu sana kwa maneno matamu lakini utendaji wa wizara hiyo katika kutibu tatizo la upatikanaji wa chakula bado ni ndoto takayohukua siku nyingi kupata jibu. Tunasubiri sijui aje nani ili kuhamaisha kilimo cha chakula katika Afrika? Inakera na kuumiza sana!

Read More

MKUU WA MKOA WA RUKWA AONANA NA BALOZI WA KENYA NCHINI OFISINI KWAKE,ATEMBELEA MAJERUHI ZAIDI YA 30 WALIONUSURIKA KWENYE AJALI YA FUSO

 Mmoja wa majeruhi wa ajali ya Fuso iliyotokea Wilayani Nkansi jana Mkoani Rukwa akiwa amelazwa katika Hospitali kuu ya Mkoa wa huo huku akiendelea kupatiwa matibabu. Watu saba walifariki papo hapo katika ajali hiyo iliyohusisha Fuso iliyokuwa imebeba mizigo na abiria ambapo majeruhi walikuwa 37, Mpaka sasa jumla ya abiria waliofariki ni 10 na wengine bado wapo hospitalini hapo wakiendelea kupata matibabu na wengine walisharuhusiwa.

 Mkuu wa Mkoa wa Rukwa Injinia Stella Manyanya akimpa pole mmoja wa majeruhi walionusurika kwenye ajali hiyo mbaya kati ya ajali zilizowahi kutokea Mkoani Rukwa. Mkuu huyo wa Mkoa alisikitishwa na ajali hiyo iliyomfanya apige marufuku usafiri unaohusisha mizigo na abiria kwa wakati mmoja.

Kaimu Mganga Mkuu wa Hospitali ya Mkoa wa Rukwa Dkt. Emanuel Mtika akitoa maelezo ya majeruhi kwa Mkuu wa Mkoa huo alipotembelea kuwaona kufuatia ajali mbaya iliyotokea jana na kusababisha vifo vya watu 10 na wengine zaidi ya 30 kujeruhiwa.

 Agnes ni mmoja wa majeruhi walionusurika katika ajali hiyo akiwa na watoto wake wawili wadogo wanaonekana pichani na mumewe ambaye alisharuhusiwa baada ya kupata nafuu.

 Mkuu wa Mkoa wa Rukwa Injinia Stella Manyanya akizungumza na Balozi wa Kenya nchini Tanzania Balozi Mutinda Mutiso ofsini kwake leo alipotembelewa na balozi huyo ambaye yupo Mkoani Rukwa kwa ziara ya kikazi yenye lengo la kudumisha uhusiano kati ya Tanzania na Kenya pamoja na kuangalia fursa za uwekezaji zinazopatikana katika Mikoa ya nyanda za juu kusini. Balozi huyo anategemea kwenda Mkoa jirani wa Katavi ambapo pamoja na shughuli nyingine ataembelea Hifadhi ya Taifa ya Katavi. Mkuu huyo wa Mkoa wa Rukwa amemuhakikishia balozi huyo uwepo wa fursa nyingi za uwekezaji Mkoani Rukwa ikiwemo Kilimo, Utalii, Uvuvi, Elimu na Biashara. Alimueleza kuwa kazi kubwa inayoendelea hivi sasa ni utengaji maeneo maalum ya uwekezaji.

Mazungumzo yakiendelea ofsini kwa Mkuu wa Mkoa.

 Balozi wa Kenya nchini Tanzania Mutinda Mutiso akielezea lengo la ujio wake Mkoani Rukwa mbele ya Mkuu wa Mkoa huo na viongozi wengine wa Serikali ya Mkoa mapema leo ofisini kwa Mkuu wa Mkoa huo. Aliiomba pia Serikali ya Tanzania kujenga urafiki na wageni ili kuimarisha mahusiano mazuri amabayo yamekwishajengeka kati ya nchi hizi mbili za Tanzania na Kenya. Pamoja na hayo Mkuu wa Mkoa wa Rukwa alimsihi balozi huyo na nchi yake ya Kenya kusaidiana na Tanzania kudumisha amani iliyopo ili Afrika ya Mashariki pawe pahala salama pa kuishi na kufanya maendeleo ikiwemo uwekezaji ambao hauwezi kustawi pasipokuwa na amani.

 Katibu Tawala Mkoa wa Rukwa Alhaj Salum Mohammed Chima hapo kabla akimtambulisha balozi wa Kenya kwa viongozi wa Serikali ya Mkoa wa Rukwa Ofsini kwake alipoenda kumsalimia kabla ya kuonana na Mkuu wa Mkoa huo.

Kutoka kulia ni Afisa Mkuu wa Jeshi la Usalama Barabarani Mkoani Rukwa, Katibu Tawala Msaidizi Utawala na Rasilimali Watu Samson Mashalla, Kamanda wa Polisi Mkoa wa Rukwa (RPC) Jakob Maruanda na Katibu Tawala Msaidizi Miundombinu Francis Kilawe wakiwa kwenye meza ya mazungumzo na Balozi huyo wa Kenya.

 Mkuu wa Mkoa wa Rukwa Injinia Stella Manyanya akitoa agizo kwa Kamanda wa Polisi Mkoa huo Jakob Maruanda mbele ya waandishi wa habari na viongozi wengine wa Mkoa huo akiwemo Katibu Tawala Mkoa huo Alhaj Salum Mohammed Chima, agizo ambalo limepiga marufuku usafirishaji wa abiria katika magari ya mizigo. Alimueleza kuwa yeyote atakayekutwa akisafirisha abiria kwenye malori ya mizigo achukuliwe hatua kali za kisheria kudhibiti ajali za namna hiyo kutokea.Picha na Habari zote na Hamza Temba-Afisa Habari  Ofisi ya Mkuu wa Mkoa wa Rukwa

Read More