Baada ya kuwasha moto wenye joto hasira kupitia mtandao wa
kijamii wa twitter akiuelekeza kwa kituo kimoja cha radio ‘radio ya watu’ kwa
takribani siku 4 hivi. Sasa Lady Jay Dee, Binti Komando ametangaza rasmi
kupitia account yake ya twitter kuwa anaanzisha kituo chake mwenyewe cha radio
hivi karibuni.
Tweet yake inasomeka, “Kwanza Fm coming soon. Yangu
Mwenyewee”. Hii inamaanisha kuwa mmiliki wa ‘Kwanza Fm’ ni yeye binti komando,
Lady Jay Dee ambae kupitia tweet zake za hivi karibuni ameongeza a.k.a ya
‘Anaconda’
Jide alijua kabisa kuwa inawezekana watu wakachukulia kama
ni April fool’s day na kuchukulia tweet zake kama ni uongo, na hivyo alitoa
tahadhari mapema sana kuwa tweet zake hazina uhusiano na April fool’s day na
kila kitu ni ukweli, kwa maana hiyo hata radio yake ‘Kwanza FM’ ni kweli.
“Tatizo ni kuwa hata nikitweet vya ukweli mtachukulia ni
April fool’s day, Mi nina Tweet vya ukweli ila nyie mtaamua sasa. Sizugi wala nini.”
Alitweet Jide.
Lakini kwa kuwa watu wengi wanajua Jay Dee ametokea mkoa wa
Mara walianza kuhisi kuwa labda atakuwa Mkurya kwa anaweza kuwa na asili ya
hasira kama wengi wanavyoamini, na hapo Jide aliwafafanulia kwa tweet yake.
“Mimi sio mkurya ila nina joto hasira #JotoHasira”
Tunakutakia mafanikio mema zaidi tuongeze kituo kingine cha
radio, na hiki kitakuwa cha kwanza kumilikiwa na msanii/mwanamuziki wa kike Tanzania.
0 comments:
Post a Comment